pav bhaji recipe in marathi

मुंबईची चमचमीत पाव भाजी

पाव भाजी म्हटले की अस्सल मुंबईकराच्या तोंडाला पाणी सुटल्याशिवाय राहणार नाही. पाव भाजीच्या गाड्या मुंबईच्या रस्त्यावर आम्ही आमच्या लहानपणापासून बघतोय. गरम तव्यावर लोण्यात घोळवलेल्या भाजीच्या सुगंधाने तर, पोट भरलेले असेल तरी परत भूक लागेल आणि नक्कीच तोंडाला पाणी सुटेल.

आता वाढलेली महागाई बघता, रस्त्यावर मिळणाऱ्या पाव भाजीची चव टिकवून ठेवण्यासाठी वेगवेगळे, आपल्या आरोग्यास घातक असे पदार्थ घालून भाजी बनवण्यात येऊ लागली आहे. हे गाडीवाले सकाळ सकाळ मंडईत जाऊन सडलेल्या कांद्या-टोमाटोचे क्रेट अगदी कवडी मोल्याच्या भावाने खरेदी करतात. हे कांदे-टोमाटो दुपारी निवडून, सडलेले भाग कापून उरलेले चिरून रात्री भाजी करायला वापरतात. लाल रंगाचातर अगदी सढळ हस्ताने वापर करतात. शिवाय बटर म्हणून मार्र्जरीन किवां हलक्यातले टेबल स्प्रेड वापरतात. मी त्यांना पाम तेल वापरतानाही पाहिलेले आहे. भाजीला घट्टपणा येण्यासाठी मक्याच्या पिठाचा वापर करतात.

हे सर्व माहीत असूनही रस्त्यावर पावभाजी खाण्याचा मोह आवरता येणे कठीण आहे. मी तुम्हाला अतिशय सोपी अशी पावभाजीची पाककृती सांगणार आहे. मला मान्य आहे की, ह्या पद्धतीने करायला थोडा जास्त वेळ लागतो, पण तुम्ही एकदा करून, चाखून तर बघा, परत तुम्ही रस्त्यावर पावभाजीकडे वळूनही बघणार नाहीत.

तुम्ही पाव सुद्धा घरी बनवू शकता, पण एकाच दिवशी पाव आणि भाजी दोन्ही बनवू नका, थकून जाल आणि भाजी चांगली होणार नाही. पाव बाहेरून आणा आणि चमचमित, रुचकर अशी भाजी घरी बनवा.

मला माहीत आहे की, घरी बनवताना आपण अगदी आरोग्याच्या दृष्टीने प्रत्येक पदार्थ तोलून मापून घालतो, पण पाव भाजी करताना जरा लोण्याचा सढळ हाताने वापर करा. १०० दोरीच्या उड्या जास्त मारून नंतर कॅलरीज बर्न करा.

साहित्य