Kothimbir Vadi Recipe in Marathi | Kothimbir Wadi

गौरी-गणपती असोत किंवा सत्यनारायण पूजा, प्रसादाच्या जेवणात अळू वडी किंवा कोथिंबीर वडी ही आवर्जून केली जाते. थंडीच्या दिवसात जेव्हा कोथिंबीर स्वस्त होते तेव्हा आमच्या घरी ह्या कोथिंबीर वड्या तुम्हांला कधीही तयार मिळतील. आमची आई, ह्या उकडून, तुकडे करून डब्यात भरून फ्रीजमध्ये ठेवते. जेव्हा पाहिजेत तेव्हा म्हणजे दुपारच्या जेवणात, चहासोबत किंवा कुणी पाहुणे आले की लगेचच तळून तय्यार.

तुम्हीं मला पहिल्यापासून follow करत असाल तर तुम्हाला माहीतच असेल की ३२ वर्ष माझ्या आईचा केटरिंगचा business होता. त्यामुळे ह्या वड्या खूप मोठ्या प्रमाणात आमच्याकडे बनवल्या जायच्या. तुम्हांला ह्याचं secret सांगायचं तर माझी आई ह्यात कधीच नुसतच डाळीचे पीठ घालून वड्या करत नाही. ती चण्याची डाळ ३ ते ४ तास भिजत ठेवते. आणि ही भिजलेली डाळ वाटून ती कोथिंबीर वडी बनवते.

असं केल्यामुळे ह्या वड्या छान खुसखुशीत बनतात. शिवाय आतून ह्यांना मस्त असे layers येतात. त्यामुळे आतून मऊ आणि वरून खरपूस क्रिस्पी आणि टेस्टी बनतात. मला स्वतःला डाळीच्या पीठामुळे पित्ताचा त्रास होतो म्हणून मी इथे मुगडाळ घेतली आहे. पण recipe लिहिताना मी पारंपारिक रीतीने कशा बनवायच्या ते दिले आहे.

तुम्ही सुद्धा अशा पद्धतीने बनवून बघा. तुमच्या प्रतिक्रिया मला जरूर कळवा.

खाली दिलेल्या recipe ही तुम्ही बघू शकता.